Мирзо Улуғбек номидаги Ўзбекистон Миллий университетида охирги уч йилда халқаро рейтинг кўрсаткичларини ошириш бўйича тизимли ва манзилли ишлар олиб борилмоқда.

Хусусан, халқарор рейтингларда ишлаш бўлими томонидан мунтазам равишда семинар-тренинглар ташкил қилинмоқда, халқаро рейтинг агентликлари томонидан ташкил қилинган тренингларда фаол иштирок этиб касбий малака оширилмоқда ва университет рейтинг кўрсаткичлари таҳлил қииниб, уни ошириш бўйича стратегик режалар ишлаб чиқилмоқда.

Ўзбекистон олий таълим муассасалари дунёнинг кучли 1000 ва 500 университетлар қаторидан жой олишлари учун ҳар бир кўрсаткични ошириш механизмларини ишлаб чиқиши ва уни бажариш учун ҳаракат қилишлари лозим ва бу, албатта ўз натижасини беради.

Жорий йилнинг 15 декабрь куни  “QS World University Rankings” халқаро рейтинг агентлиги томонидан Ўрта Осиё ва ривожланаётган Европа давлатлари рейтинги эълон қилинди.

Унга асосан Ўзбекистон Миллий университети 254+ ўрин билан ўтган йилги натижалардан 100 поғона юқорига кўтарилди. Академик обрў кўрсаткичи бўйича университет +155 ўрин билан минтақа бўйича энг кучли натижага эга бўлди. Шунингдек, илмий нашрларга иқтибослик кўрсаткичида 164 ўринни эгаллади.

Файзулло Яҳёев, ЎзА