Ўзбекистон миллий терма жамоаси футбол бўйича Жаҳон чемпионатининг 3-саралаш босқичи иккинчи турида қўлга киритган ғалабаси эвазига ФИФА рейтингида 2 поғона кўтарилиб, 1,413.05 балл билан 59-ўринга чиқиб олди.

Аниқроқ айтадиган бўлсак, Сречко Катанец бошчилигидаги терма жамоамиз КХДР термаси устидан қозонилган ғалаба учун 7,63, Қирғизистонга қарши ўйиндаги муваффақият учун 8,01, жами 15.64 баллни ўз ҳисобига қўшиб қўйди.   

Маълумот ўрнида: Ўзбекистон миллий терма жамоаси Осиё жамоалари орасида ҳамон саккизинчи поғонада бўлиб турибди.  

Қитъамиз термалари орасида Япония ФИФА рейтингида 16-ўриндан жой олган бўлса, Эрон 19, Жанубий Корея 23, Австралия  25, Қатар 44, Ироқ 55, Саудия Арабистони 56-ўринда бормоқда.  

Жавоҳир Тошхўжаев,

ЎзА