Бухорода кураш бўйича эркаклар ва аёллар ўртасида ўтказилган Ўзбекистон кубоги мусобақаси якунланди

Туризм ва спорт вазирлиги матбуот хизматининг хабар беришича, муросасиз кечган баҳсларда Қорақалпоғистон Республикаси, барча вилоятлар ва Тошкент шаҳрининг 300 нафарга яқин спортчилари яккалик ва жамоавий баҳсларда курашишди.

Кубок финалида Самарқанд ва Бухоро вилояти жамоалари учрашишди. Муросасиз беллашувлар якунига кўра, бухоролик полвонлар Самарқанд вилояти жамоасини катта устунлик билан ортда қолдириб, Ўзбекистон кубогини қўлга киритди.

Мусобақа доирасида шахсий биринчилик бўйича ўтган баҳсларда ғолиб ва совриндорлар аниқланди. Уч кун давом этган муросасиз беллашувларда энг кўп медалларга сазовор бўлган Бухоро вилояти курашчилари умумжамоа ҳисобида биринчи ўринни, самарқандликлар иккинчи, Тошкент ҳамда Сурхондарё вилоятлари полвонлари эса медаллар ҳисоби бўйича учинчи ўриндан жой олишди.

Т. Рўзиев, 
ЎзА