Ўзбекистон маданий мерос ҳафталиги ва «Ўзбекистон маданий мероси – янги Ренессанс пойдевори» мавзусидаги IV халқаро Конгресснинг учинчи кунида ўтказилган ижодий кеча шундай номланди.

Республика Ёшлар ижод саройида бўлиб ўтган тадбирда тажрибали ўзбек ва жаҳон кинематографистларининг соҳанинг долзарб мавзуларига оид маърузалари тингланди.  

Шундан сўнг маҳоратли режиссёр Жаник Файзиевнинг “Буюк Ипак йўли” лойиҳаси ва ўзбек киносидаги копродукциялар”, Россияда хизмат кўрсатган артист Фарҳод Маҳмудовнинг “Парининг совғаси”, Валдис Пельшнинг Ўзбекистон Республикаси Мустақиллигининг 30 йиллигига бағишланган “Янги Ренессансга назар” лойиҳаси, таниқли продюсер Александр Кесселнинг “Қуёш лаззати” фильми, Республика кинофонди директори Элжон Аббасовнинг ўзбек кино санъати тарихига оид ҳали жамоатчиликка эълон килинмаган фотографиялар жамланмаси тақдимоти бўлиб ўтди.

Шунингдек, “Ўзбеккино” агентлиги буюртмасига асосан суратга олинган “Фариданинг икки минг қўшиғи” бадиий фильми намойиш этилди.

Имронбек Яҳёев, ЎзА