Кеча, 24 февраль куни зилзила оқибатида жабрланган фуқароларга ёрдам кўрсатиш учун Туркияга борган барча қутқарувчилар тўпланиб, Туркия Ички ишлар вазири ўринбосари уларга миннатдорчилик билдирди ва ўз юртларига қайтишлари учун оқ йўл тилади.

Ўзбекистонлик қутқарувчилар Туркия аэропортидан олқишлар билан кузатилган.  

Қидирув-қутқарув ишлари бошлангандан эътиборан, яъни 7 февраль кунидан ўзбекистонлик қутқарувчилар томонидан 30 нафардан ортиқ жабрланганлар қутқарилиб, 100 нафардан ортиқ ҳалок бўлганлар вайроналар остидан олиб чиқилди.

Фалокат оқибатида вафот этганлар сони эса 46.000 дан ошгани айтилмоқда.  

Зилзиладан жабрланган фуқароларни қутқариш учун Туркияга  дунёнинг 80 дан ортиқ давлатидан қутқарувчилар келган.

Ўзбекистонлик қутқарувчилар, бугун 25 февраль куни тонгда, Тошкент Халқаро аэропортида кутиб олинади.

<iframe width="1519" height="585" src="https://www.youtube.com/embed/ipFYbotFBqw" title="Ўзбекистон ФВВ қутқарувчилари Ватанга қайтишмоқда" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>