O‘zbekiston Ekologik partiyasi markaziy kengashining navbatdagi IX plenumida tashkiliy masala ko‘rildi.

Unda markaziy kengash ijroiya qo‘mitasi raisi Komiljon Tojiboyev o‘z arizasiga muvofiq lavozimidan ozod etildi. Uning o‘rniga Nazrulla Ablomurodov O‘zbekiston Ekologik partiyasi markaziy kengashi ijroiya qo‘mitasi raisi etib saylandi.  

Bungacha Nazrulla Ablomurodov O‘zbekiston Respublikasi Ekologiya va atrof-muhitni muhofaza qilish davlat qo‘mitasi raisining birinchi o‘rinbosari lavozimida ishlab kelayotgandi.