O‘zbekiston dzyudochilari Tbilisi “Katta dubulg‘a” turnirini uchta medal (oltin, kumush, bronza) bilan yakunladi
Gruziya poytaxti Tbilisida dzyudo bo‘yicha “Katta dubulg‘a” turniri o‘z yakuniga yetdi. Unda ishtirok etgan O‘zbekiston terma jamoasi uchta medalga sazovor bo‘ldi.
Musobaqaning oxirgi kunida +100 kilogramm vazn toifasida hamyurtimiz Shohrux Baxtiyorov bronza medalini qo‘lga kiritdi. Yurtdoshimiz uchinchi o‘rin uchun kechgan bahsda slovakiyalik Marius Fizeldan ustun keldi.
Eslatib o‘tamiz, bungacha turnir davomida Diyora Keldiyorova (-52 kg) oltin, Obidxon No‘’monov (-73 kg) kumush medali bilan taqdirlangan edi,– deb xabar bermoqda Milliy olimpiya qo‘mitasi matbuot xizmati.
O‘zA