Xitoy Xalq Respublikasining Urumchi shahrida sakkizinchi “Xitoy – Yevroosiyo” xalqaro ko‘rgazmasining ochilish marosimi bo‘lib o‘tdi.

Tadbirda faxriy mehmon sifatida O‘zbekiston va Qirg‘iziston bosh vazirlari, Tojikiston va Qozog‘iston bosh vazirlarining o‘rinbosarlari va 40 dan ortiq xorijiy hukumat vakillari ishtirok etdi.  

Ochilish marosimida O‘zbekiston Respublikasi Bosh vaziri Abdulla Aripov nutq so‘zladi.  

Tashrif doirasida Xitoy davlat qurilish-muhandisligi korporatsiyasi, “Shina Energy International Group” va boshqa kompaniyalar rahbarlari bilan ikki tomonlama uchrashuvlar o‘tkazildi.  

Shu bilan O‘zbekiston delegatsiyasining Xitoyga tashrifi yakunlandi.  

G.Sattorova,

O‘zA