O‘zbekiston Respublikasi Vazirlar Mahkamasi huzuridagi Migratsiya agentligi direktori Behzod Musayev Chexiya Respublikasining O‘zbekistondagi Favqulodda va muxtor Elchisi Lyubomir Frebort bilan uchrashdi.

Muloqot davomida Chexiya mehnat bozori uchun O‘zbekistonda malakali kadrlar tayyorlash va tashkiliy mehnat migratsiyasini rivojlantirish masalalari muhokama qilindi.

Ayniqsa tibbiyot sohasi mutaxassislari — hamshiralar, qariyalarni parvarishlovchi xodimlar tayyorlash imkoniyatiga alohida e’tibor qaratildi.

Ma’lum qilinishicha, Pragada har yili 150 nafar mamlakatimiz fuqarosi uchun mehnat vizasi kvotasi ajratiladi.

Hamkor tomon tibbiyot mutaxassislarini xorijda ishlashga tayyorlash bo‘yicha Toshkentdagi o‘quv kurslari faoliyati bilan tanishishga qiziqish bildirdi. Ushbu yo‘nalishda amaliy hamkorlikni davom ettirishga kelishib olindi.

G.Sattorova, O‘zA