Пойтахтимиздаги "Олимпия шаҳарчаси"да бокс бўйича эркаклар ва аёллар ўртасида ўтаётган Ўзбекистон чемпионатининг биринчи кунги жанглари ортда қолди.

198 нафар йигит, 80 нафар боксчи хотин-қиз қатнашаётган чемпионатнинг илк кунида 42 жуфтлик жангининг ғолиб ва совриндорлари аниқланди.

Бугун, 16 январь куни чемпионатнинг иккинчи кунги баҳсларида боксчи йигитлар -50, -55, -65, -75, -80, -90, +90 килограмм вазндаги саралаш жангларида иштирок этади. Кун давомида бокс мухлислари 51 та жуфтлик қарама-қаршилигидаги баҳсларга гувоҳ бўлади.

"Лос-Анжелес-2028" сари йўл шу ердан бошланади" шиори остида ўтаётган чемпионатнинг саралаш мусобақалари 17 январга қадар давом этади.

Эслатиб ўтамиз, мамлакатимизнинг энг кучли чарм қўлқоп усталари қатнашаётган чемпионатнинг ярим финал ва финал жанглари 21-22 март кунлари "Зўр ТВ"нинг "Ренессанс холл" аренасида ташкил этилади.

Т.Рўзиев,  

ЎзА