O‘zbekiston avtomobillari: eksport kamaygan, import va ishlab chiqarish keskin oshgan
Davlat statistika qo‘mitasi ma’lumotlariga ko‘ra, 2022 yilning yanvar-mart oylarida yurtimizda 68 905 dona yengil avtomobil ishlab chiqarilgan.
Ishlab chiqarish hajmi 2021 yilning mos davri bilan solishtirilganda 24451 taga oshgan.
2022 yilning yanvar-mart oylarida O‘zbekiston Ozarbayjon, Tojikiston, Koreya va Livanga 58 dona yengil avtomobillarni eksport qilgan.
Bu ko‘rsatkich 2021 yilning mos davri bilan solishtirilganda 8763 taga kamaygan.
2022 yilning yanvar-mart oylarida O‘zbekiston 21 ta xorijiy davlatlardan qiymati 189,3 mln. AQSH dollariga teng bo‘lgan 8 508 ta yengil avtomobil import qilgan.
Yengil avtomobillar importi 2021 yilning mos davri bilan solishtirilganda, 5 361 taga yoki 2,7 barobarga oshgan.
3 oyda yurtimizga 455 ta elektromobil import qilingan.
Elektromobil importi 2021 yilning mos davriga nisbatan 370 taga yoki 5,4 barobarga oshgan.
O‘zA