“WAM” ахборот агентлиги хабар беришича, Бирлашган Араб Амирликлари адлия вазири ўзбекистонлик ҳамкасби билан учрашиб, ҳуқуқий соҳадаги ҳамкорлик кўламини кенгайтириш мавзусини муҳокама қилган.

Абдуллоҳ бин Султон бин Авад Ан-Нуъаймий Акбар Тошқулов ва унга ҳамроҳ бўлган делегация билан Абу-Даби шаҳридаги идорасида суҳбатлашди. Мулоқот чоғида икки давлат ўртасидаги халқаро ҳамкорликка оид масалалар, хусусан суд-ҳуқуқ йўналишидаги муносабатларни такомиллаштириш йўллари кўриб чиқилди.

Томонлар соҳада эришилган ютуқлар, кузатилаётган ижобий ўзгаришлар юзасидан ўзаро фикр алмашган.

Муҳаррама Пирматова,

ЎзА