“Ўзбекистон – 2030” стратегияси Президентимиз таклифи ва ташаббуси билан янада бойитилган ҳолда қайта ишлаб чиқилди ва кенг жамоатчилик томонидан қизғин муҳокама қилинмоқда.

Стратегия лойиҳасида 451 та мақсадли кўрсаткич белгиланган. Барча соҳага оид долзарб мақсад-вазифалар ўз аксини топмоқда.  

Хўш, мазкур стратегик ҳужжатни янгилашга қандай зарурат туғилди?  

Олий Мажлис Қонунчилик палатаси депутати Сайёра Имомова стратегия лойиҳасини ишлаб чиқиш сабаблари ва янги лойиҳада акс этаётган мақсадлар хусусида ўз фикр-мулоҳазаларини билдирди.

Депутатнинг қайд этишича, 2023 йилда қабул қилинган “Ўзбекистон – 2030” стратегиясида камбағаллик даражасини 11,9 фоиздан 6-7 фоизга тушириш белгиланган эди. Лекин амалдаги ислоҳотлар натижасида бугун камбағаллик даражаси 5,8 фоизга тушди. Ялпи ички маҳсулот ҳажми 107 миллиард долларни ташкил этиши кўзлангани ҳолда 2025 йилда 145 миллиард долларни ташкил этди. Шиддатли ўзгараётган глобал давр, натижадор ислоҳотлар ушбу стратегияни ўзгартиришга, янада бойитишга заруратни юзага келтирди.  

<iframe width="650" height="420" src="https://www.youtube.com/embed/dTUUjRQogJM" title="“O`zbekiston – 2030” strategiyasini yangilashga qanday zarurat tug`ildi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Искандар Исматов (видео), ЎзА