Давлатимиз раҳбари парламент ва халқимизга йўллаган Мурожаатномасида “Ўзбекистон – 2030” стратегиясини янада такомиллаштириш зарурлигини илгари сурди. Шундан келиб чиқиб, мазкур стратегик ҳужжатнинг ўзгартирилган, янгиланган лойиҳаси ишлаб чиқилди. Хўш, “Ўзбекистон – 2030” стратегиясини ўзгартиришга қандай зарурат бор эди?

Бу ҳақда Олий Мажлис Қонунчилик палатаси депутати Отабек Мусурмонов батафсил тўхталди.  

— Бундан 2 йил олдин “Ўзбекистон – 2030” стратегиясида 2030 йилгача ялпи ички маҳсулот ҳажмини 160 млрд. долларга етказишни мақсад қилган эдик. Кейинги йиллардаги ислоҳотлар, фискал баланс тўғри олиб борилгани натижасида 2026 йилнинг ўзида ушбу 160 млрд. долларлик маррага эришишимиз мумкинлиги Мурожаатномада айтиб ўтилди.  

Энди янгиланаётган стратегия лойиҳаси билан 2030 йилгача ЯИМда 240 млрд. долларлик маррани ўз олдимизга қўйяпмиз. Бу ўзига яраша масъулиятни, машаққатни талаб этади, албатта. Бугун Ўзбекистон аниқ “рецептлар” билан ривожланиш йўлини танлаган. Ҳар бир соҳада рақамлаштириш, диверсификация, босқичма-босқич ривожланиш жараёни бормоқда. Шу маънода “Ўзбекистон – 2030” стратегиясини ўзгартиришимиз керак ва бу ижобий тенденциядир, — дейди депутат.  

Батафсил қуйидаги видеоҳаволада.

<iframe width="560" height="315" src="https://www.youtube.com/embed/dUtQ3F52qSc?si=Hk3_YRCPFhrTg45e" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова,  

Анвар Аҳмедов (видео),  

ЎзА

--0--