Ўзбек ошхонаси қироли Баҳриддин Чустий билан суҳбат

Ўзбек миллий қадриятлари халқимизнинг кўп асрлик тарихи, маънавий мероси ва турмуш тарзини ўзида мужассам этган бебаҳо бойлик. Улар миллатнинг ўзлигини, ижтимоий муносабатларини ва ҳаётий қарашларини белгилаб беради.

Миллий қадриятларимиз асосини меҳмондўстлик, миллий урф-одат ва анъаналар, либос ва ҳунармандчилик, маънавий мерос ҳамда таомлар ташкил этади. Улар орасида миллий таомлар алоҳида ўрин эгаллайди. Улар нафақат таом, балки урф-одат, маросим ва меҳмондўстлик рамзи сифатида ҳам қадрланади. Асрлар давомида шаклланган ошпазлик анъаналари ҳудудларга қараб бойиб, хилма-хил таъм ва тайёрлаш услубларини вужудга келтирган.

Ўзбек миллий таомлари дунё узра ўзининг довруғига эга. Айниқса, палов! Бу таом  миллий ифтихор, ўзбек ошхонасининг дурдонаси сифатида алоҳида эътироф этилади. У турли ҳудудларда ўзига хос тарзда тайёрланади — Тошкент, Самарқанд, Фарғона паловлари бир-биридан фарқ қилади.  

Ўзбек миллий таомлари дунёдаги энг ҳайратланарли ва мазали ошхона сифатида кўп бора тилга олинган. Албатта, бунда ошпазларимизнинг ҳам ўрни беқиёс. Зеро, айнан улар туфайли миллий таомларимизни бир бора татиб кўриш учун Ўзбекистонга ташриф буюрадиган сайёҳлар сони кўп.

Бугунги кунда миллий таомларимизнинг энг моҳир ошпазларидан бири сифатида эътироф этилувчи Баҳриддин Чустий ҳақида эшитмаган инсоннинг ўзи йўқ. Айнан палов тайёрлаш маданияти, маҳорати, пишириш саънати, дунё саҳнидаги эътирофи хусусида Баҳриддин Нажмиддинов (Чустий) билан суҳбатлашамиз.

Суҳбатнинг тўлиқ шаклини қуйидаги видеоҳавола орқали кўришингиз мумкин.

<iframe width="650" height="420" src="https://www.youtube.com/embed/PTYEuN7GYOg" title="O‘zbek oshxonasi: an’ana va qadriyatlar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Дониёр Ёқубов (видео), 

Анвар Аҳмедов (монтаж), ЎзА мухбирлари