Xabar berganimizdek, 28-29 may kunlari Bolgariyaning Burgos provinsiyasida kurash bo‘yicha O‘zbekiston Respublikasi Prezidenti sovrini uchun xalqaro turnir o‘tkaziladi. Unda dunyoning 20dan ortiq davlati kurashchilari g‘oliblik uchun bahs olib boradi.

Xalqaro turnir doirasida milliy qadriyatimiz kurash bilan bir qatorda xalqimizning boy madaniy merosi va turizm imkoniyatlarini ham targ‘ib qilish rejalashtirilgan.

Tabiiyki tadbir doirasida milliy san’atimiz ham tarannum etiladi.

Mamlakatimiz delegatsiyasi tarkibidan xalqimizning sevimli san’atkori, O‘zbekiston xalq artisti G‘ulomjon Yoqubov ham o‘rin olgan. San’atkor olis Bolgariya zaminida o‘zbek san’ati jozibasini tarannum qiladi.

Shu munosabat bilan G‘ulomjon Yoqubov Sportni rivojlantirish vazirligi matbuot xizmati uchun maxsus intervyu berdi.

Otabek ESHMAMATOV.
Bolgariya, Burgos.