АҚШнинг Омаха шаҳрида от спортининг конкур йўналиши бўйича бошланган Жаҳон кубогининг финал босқичида ҳамюртимиз Нуржан Туякбоев «Ланселотта» лақабли тулпорида Евроосиё лигасининг энг кучли спортчиси сифатида иштирок этмоқда.

Спортчимиз ва унинг оти мураккаб текширувлардан иборат карантин жараёни ва махсус ветеринарлар текширувидан муваффақиятли ўтгач баҳсларга киришди.  

Бугун чавандозимиз тозалик ва тезликка асосланган дастурда ўз иштирокини якунлади. Тўсиқ баландлиги 160 сантиметрни ташкил этган йўналишда юртдошимизнинг чиқиши кўпчиликнинг олқишига сазовор бўлди. Туякбоев эртага яна бир дастурда омадини синаб кўради.  

Эслатиб ўтамиз, дунёнинг энг кучли 41 нафар чавандози қатнашаётган мусобақада ўзбек чавандози ва юртимиз тулпори АҚШда ўтаётган тарихий мусобақада илк бор иштирок этмоқда, дейилади Миллий олимпия қўмитаси хабарида.  

<iframe width="1237" height="696" src="https://www.youtube.com/embed/1MPYNdFTRKY" title="AQShda ot sportining konkur yoʻnalishi boʻyicha Jahon kubogining final bosqichi boshlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Т.Рўзиев, ЎзА