Jahon matbuoti sahifalarida

YUNESKO Hukumatlararo qo‘mitasi ishtirokchilari  Insoniyatning  nomoddiy madaniy merosi  ro‘yxatiga kiritish uchun 55 ta yangi talabnomani  ko‘rib chiqishmoqda. Ular qatorida – o‘zbek baxshichilik san’ati; «ORNEK» –  qrim tatarlarining  naqshi; Turkmaniston dutor yasash hunarmandchiligi hamda an’anaviy musiqa va qo‘shiqchilik san’ati; shuningdek, Tojikiston xalq va musiqiy merosi bo‘lmish falak bayrami.

Joriy yilda Qo‘mita ishtirokchilari Insoniyatning nomoddiy madaniy merosi Reprezentativ ro‘yxatiga kiritish uchun 45 ta arizani ko‘rib chiqadilar. Shulardan shoshilinch himoyaga muhtoj Nomoddiy madaniy meros ro‘yxatiga kiritish uchun 5 ta ariza va Nomoddiy madaniy merosni saqlash bo‘yicha Ilg‘or tajriba  reyestriga kiritish uchun 5 ta nominatsiya. 

***

YUNESKO: AQSH Iroqqa minglab san’at asarlari, jumladan “Gilgamesh lavhasi” ni qaytaradi

«Gilgamesh lavhasi» –bizgacha yetib kelgan eng qadimiy  adabiy asarlardan biridir. Shu haftada AQSH nodir asarni uning qonuniy egasi  Iroqqa tantanali qaytaradi. Loydan yasalgan «Gilgamesh lavhasi»1990 yil  avgust oyida orada  Fors ko‘rfazida urushboshlanganidan ko‘p o‘tmay Iroq muzeyidan  olib qo‘yilgan edi. 2007 yilda ushbu nodir asar Amerika bozorida noqonuniy sotuvga qo‘yilgan edi,2019 yilda esa, AQSH Adliya vazirligi tomonidan musodara qilindi. 

Lavha qadimgi Mesopotamiya sivilizatsiyasi haqida shumer tilidayozilgan yozuvlarni o‘z ichiga oladi. Unda “Gilgamesh haqidagi doston” dan parchalar keltirilgan. 

AQSH hukumati Iroqdan so‘nggi o‘n yilda talon-taroj qilingan 17 000 ta artefaktlarni  mamlakatga ixtiyoriy qaytarilishiga yordam berdi. YUNESKO Iroq milliy muzeyiga mamlakatning bebaho asarlarini inventarizatsiya qilish va tadqiqotlar o‘tkazishga yordam ko‘rsatadi.

I.Abdumalikzoda tayyorladi, O‘zA