Kecha– 9 fevral kuni Moskvada “Eagle Fighting Championship 33” aralash yakkakurash turlari bo‘yicha turnir boshlandi.

Unda hamyurtimiz “Ajdar” — Azamat Nuftillayev ham ishtirok etdi. Og‘ir vazn toifasidagi jangning birinchi raunddayoq Azamat Nuftillayev texnik nokaut bilan raqibini yengib, g‘alaba qozondi.

Ushbu jangdagi g‘alabasi bilan Azamat Nuftillayev yettinchi g‘alabasini qo‘lga kiritdi va mag‘lubiyatsiz qolmoqda.  

Ma’lumot o‘rnida, Nuftillayev o‘z faoliyati davomida to‘rt nafar qozog‘istonlik jangchini — Nusrat Semeteyev (0-2), Aslanbek Xasikov (0-2), Konstantin Merqulov (3-2) va Sanjar Kenjexanovni (0-1) mag‘lubiyatga uchratgan.