Президент Илҳом Алиев Озарбайжон ва Европа Иттифоқи ўртасидаги кенг қамровли ҳамкорлик бўйича янги икки томонлама келишув устидаги иш якунига етмоқда, дея баёнот берди. Бу ҳақда “АзерТАЖ” хабар берди.

- Умид қиламанки, янги икки томонлама келишув яқин ойларда амалга ошади, - деди матбуот анжуманида Алиев. - Бу ўзаро муносабат ривожида муҳим босқич бўлади.

Унинг сўзларига кўра, ЕИ Озарбайжоннинг асосий ташқи савдо шериги бўлиб қолмоқда. Боку ва Брюссель муносабати “Шарқ ҳамкорлиги” дастури доирасида шаклланган.

- Умумий режа бажарилиши халқимиз фаровонлиги йўлида товар айирбошлаш ҳажмини янада ошириш имконини беради, - қўшимча қилган давлат раҳбари. - Ишончим комилки, Озарбайжон ва ЕИ ўртасидаги муносабатнинг келажаги буюк.