“Oybek” chegara bojxona postida noqonuniy zargarlik buyumlari o‘tkazilishining oldi olindi
Toshkent viloyati bojxona boshqarmasi “Oybek” chegara bojxona orqali qo‘shni mamlakatdan yurtimizga kirib kelayotgan fuqaro xatti-harakatlari bojxona xodimlarining e’tiborini tortdi.
O‘tkazilgan shaxsiy ko‘rik natijasida fuqaroning oyoq paypoqlari ichiga xufiyona tarzda yashirilgan, umumiy qiymati 95 million so‘mlik jami 183 gramm bo‘lgan zargarlik buyumlari borligi aniqlandi.
Ma’lumot o‘rnida aytish joiz, jismoniy shaxslar tomonidan O‘zbekiston Respublikasiga qiymatidan oshmaydigan, umumiy og‘irligi 65 grammdan ko‘p bo‘lmagan qimmatbaho metallar va qimmatbaho toshlardan zargarlik buyumlarini olib kirish mumkin.
O‘zA