Ov qoidasini buzgan shaxs tunda “qopqon”ga tushdi
Mamlakatimizda hozir jonivorlarni ovlash taʼqiqlangan. Biroq bu haqda tegishli tushuntirish ishlari olib borilayotgan boʻlishiga qaramay, belgilangan tartib-qoidalarni qoʻpol buzgan holda jonivor va qushlarni ovlayotgan ayrim shaxslarga duch kelinmoqda.
Mamlakatimizda hozir jonivorlarni ovlash taʼqiqlangan. Biroq bu haqda tegishli tushuntirish ishlari olib borilayotgan boʻlishiga qaramay, belgilangan tartib-qoidalarni qoʻpol buzgan holda jonivor va qushlarni ovlayotgan ayrim shaxslarga duch kelinmoqda.
Surxondaryo viloyati ekologiya va atrof-muhitni muhofaza qilish boshqarmasi hamda viloyat ichki ishlar boshqarmasi xodimlari tomonidan oʻtkazilgan navbatdagi tungi reyd chogʻida Termiz tumanidagi Uchkoʻl tabiiy koʻli atrofida ana shunday qonunbuzar ovchilardan biri qoʻlga tushib qoldi. Surishtiruv chogʻida belgilanmagan muddatda tungi “shikor” ga chiqqan fuqaro Termiz tumanida yashaydigan M. Mannabov ekani aniqlanib, hujjatlar rasmiylashtirildi.
Ovi baroridan kelmagan shaxsga tegishli bir dona Toz BM 16.2. № 198794 raqamli ov quroli ashyoviy dalil sifatida olinib, bu masala boʻyicha qonuniy toʻxtamga kelingunga qadar viloyat ichki ishlar boshqarmasiga topshirildi.