Оппозициядағы «Тобуро» демократиялық партиясы президент Юн Сок Ёльды бүлік шығару айыбымен, оған импичмент жариялауды, азаматтық ұйымдар Оңтүстік Корея үкіметінің отставкаға кетуін талап етуде.

Оңтүстік Кореядағы ең үлкен оппозициялық күш – «Тобуро» демократиялық партиясы 4 желтоқсан, сәрсенбі күні елде әскери жағдайдың енгізілуі мен жойылуына байланысты ел президенті Юн Сок Ёльға импичмент жариялау ниеті бар екенін хабарлады. 

AFP агенттігінің .хабарлауынша, партия мемлекет басшысына, қорғаныс және ішкі істер министрлеріне, сондай-ақ «әскери жағдайдың қолбасшысы мен полиция басшысы сияқты негізгі әскери және полиция қызметкерлеріне» қарсы бүлік айыптарын қоюға ниетті екенін мәлімдеген.

Дәл қазіргі уақытта Оңтүстік Корея президенті әкімшілігінің мүшелері жаппай отставкаға кету ниеттерін білдіруде. 

Оңтүстік Кореяның Yonhap ақпарат агенттігінің хабарлауынша, мұндай өтініштер арасында президенттің ұлттық қауіпсіздік жөніндегі кеңесшісі Шин Вон Сик, сондай-ақ президент әкімшілігінің басшысы Жунг Жин Сук жазған хаттар да бар.