Оңтүстік Корея Солтүстік Кореяның әскери барлау спутнигін ұшыруына байланысты 2018 жылғы Корея аралық деэскалация келісімінің бір бөлігін тоқтатты.

«Рёнхап» ақпарат агенттігінің хабарлауынша, Премьер-министр Хан Док Судың төрағалығымен өткен үкіметтің кезектен тыс отырысы шекарадағы барлау мен бақылауды қалпына келтіру туралы ұсынысты мақұлдады.

«Солтүстік Корея әскери шиеленісті бәсеңдету және Корей түбегінде сенім орнатуға бағытталған 19 қыркүйектегі әскери келісімді ұстанғысы келмейтінін анық көрсетеді», - деген Хан Док Су.

Келісімнің 1-бабының 3-тармағының тоқтатылуы Оңтүстік Кореяға екі Кореяны бөліп тұрған әскери демаркация сызығы аймағында, сондай-ақ демилитаризацияланған аймақ деп аталатын аумақта жедел барлау операцияларын қайта бастауға мүмкіндік береді. Ұлыбританияға сапармен келген Оңтүстік Корея президенті Юн Сок Ёл бұл ұсынысты электронды түрде мақұлдаған.