Оңтүстік Корея Ресей мен Беларусь елдеріне бірқатар тауарлардың экспортына бақылауды күшейтіп жатыр.

Ренхап агенттігінің хабарлауынша, Ресей Федерациясы мен Беларуське жеткізуге тыйым салынған өнімдер тізіміне 741 тауар қосылған. Олар қатарында жартылай өткізгіштер, химиялық заттар, болат, автомобильдер, машина жасау, кванттық компьютерлер және т.б. бар.

Осылайша Оңтүстік Корея елінен атаулы мемлекеттерге экспорттауға тыйым салынған жалпы тауар саны 798-ге жеткен.

Хабарда айтылуынша, мұндай қадамға бұл тауарларды импорттаушы елдер қару-жарақ өндіру және әскери мақсатта пайдалану ықтималдығы жоғары болғандықтан жасалған.

Оңтүстік Кореяның Сауда министрлігі шешімнің 28 сәуір, жұма күні күшіне енетінін мәлімдеген.