Оңтүстік Корея Әділет министрлігі президент Юн Сок Ёльдің елден шығуына тыйым салынғанын мәлімдеді.

Yonhap агенттігінің хабарлауынша, министрлікке мұндай тыйым салу туралы өтініш Оңтүстік Кореяның Сыбайлас жемқорлыққа қарсы тергеу басқармасынан түскені айтылған. 

Басқарма бас прокуроры О Дон Ун парламент тыңдауында тергеушілерге жақында енгізілген әскери жағдайға байланысты президенттің елден шығуын шектеу бойынша нұсқау берілгенін хабарлады.

Сонымен қатар, Оңтүстік Корея полициясы 4 желтоқсанда енгізілген әскери жағдайға байланысты «бүлік ісі» бойынша тергеу жүргізіліп жатқандықтан, президенттің сапарларына да тыйым салу мәселесін қарастыруда. Бұдан бөлек, Юн Сок Ёль мемлекетке опасыздық жасау және билікті асыра пайдалану айыптарымен тергелуде. Полиция оны тергеуге шақыру мүмкіндігін жоққа шығармады.