Оңтүстік Корея президенті Юн Сок Ёл корей азаматтарын қорғау үшін Судан жағалауына әскери-теңіз күштерін жіберуге бұйрық берді.

Yonhap агенттігінің хабарлауынша, Корея Республикасының Президенті Оңтүстік Корея азаматтарын қорғау үшін Судан жағалауларына қарақшылықпен күресу бойынша Чонхэ бөлімшесін тез арада орналастыруға бұйрық берген.

Ел президентінің баспасөз хатшысының мәліметінше, бөлімше 304 адамнан тұрады және қазір олар Оманның Салала портына орналастырылған.

Бұған дейін Корея Республикасының билігі ішкі қарулы қақтығысқа оранған Судандағы корей азаматтарын эвакуациялауға дайындалу үшін Джибутидегі америкалық базаға әскери ұшақ жіберу туралы шешім қабылдаған болатын. 

Еске салар болсақ, Судан қарулы күштері мен Жедел қолдау күштерінің әскерилендірілген тобы арасындағы қарулы қақтығыс салдарынан елде 300-ге жуық адам қаза тауып, 2700-ден астам адам жарақат алған.