Корея Республикасында ұлттық ассамблея иттерді ет үшін өсіруге, союға және ит етін сатуға тыйым салатын заңды мақұлдады.

«Yonhap» агенттігінің хабарлауынша, бұл тыйымға 208 депутат дауыс беріп, екеуі қалыс қалған, қарсы дауыс болмаған.

Заң үш жылдық өтпелі кезеңнен кейін 2027 жылы толық күшіне енеді деп күтілуде. Құжатқа сәйкес, тыйымды бұзғандар 30 миллион вонға дейін (шамамен 22 768 доллар) айыппұл төлейді немесе екі жылдан үш жылға дейін бас бостандығынан айырылады.

Сондай-ақ ит етін өсірумен және сатумен айналысатын кәсіпорындарды қайта бағдарлау үшін субсидиялау қолдауы уәде етілген. Мұндай компаниялардың барлығы жұмысын жалғастыру үшін жергілікті үкіметке бизнеске көшу жоспарын ұсынуы керек.