2022 жыл 9 ақпанда Өзбекстан Республикасының Сыртқы істер министрі Абдулазиз Камилов Корея Республикасының Төтенше және Өкілетті Елшісі Канг Цзе Квонды елдегі дипломатиялық миссиясының аяқталуына байланысты қабылдады.

СІМ баспасөз қызметінің хабарлауынша, Сыртқы істер министрі елшінің екіжақты достық пен ерекше стратегиялық әріптестікті нығайтуға қосқан жеке үлесін атап өтті.

Кездесу барысында тараптар бұрын қол жеткізілген уағдаластықтардың орындалу барысы, алдағы іс-шаралардың кестесі және өзара мүдделі салалардағы ынтымақтастықты кеңейту жоспарлары талқыланды», - делінген хабарламада.

Сонымен қатар, Абдулазиз Камилов Палестина Мемлекетінің Төтенше және Өкілетті Елшісі Мухаммад Абдулла Таршахонийді елдегі дипломатиялық миссиясының аяқталуына байланысты қабылдады.

Кездесу барысында елшінің қызметі кезінде Өзбекстан-Палестина қарым-қатынастары тұрақты дамып, нығайып келе жатқаны атап өтілді. Тараптар өзара мүдделі салалардағы ынтымақтастықты жалғастыруға дайын екендіктерін қуаттады.

«Елші мырза Өзбекстан тарапына дипломатиялық миссияны жүзеге асыру үшін жасалған қолайлы жағдайлар үшін шынайы алғысын білдірді», - делінген СІМ хабарында.