Оңтүстік Корея наурыз айының соңында 5-11 жас аралығындағы балаларды COVID-19-ға қарсы егуді бастайды.

Мемлекеттік басқару және қауіпсіздік министрі Чун Хэ Чульдің мәлімдеуінше, Оңтүстік Кореядан бұрын вакцинация бағдарламасын енгізген басқа елдерде вакциналар «қауіпсіз және тиімді» екендігі дәлелденген. 

«Үкімет наурыз айының соңынан бастап науқанға бұрын қатыспаған 5 пен 11 жас аралығындағы балаларға екпе сала бастайды», - деп келтіреді министрдің сөзін Yonhap агенттігі.

Министр республикадағы коронавирустық инфекцияның барлық жағдайларының 15 пайыздан астамы осы жас тобына тиесілі екенін атап өткен.