Буюк Британияда ўтган куни COVID-19 дан ўлим ҳолати қайд этилмади. Бу 2020 йил март ойида пандемия бошлангандан буён илк бор кузатилмоқда, дейилади Бирлашган Қироллик соғлиқни сақлаш вазирлиги тарқатган маълумотда.

Ўтган куни 3 минг 165 киши коронавирусга чалингани қайд этилди. Бир кун аввал ушбу кўрсаткич 3 минг 383 кишини ташкил этган эди.

Буюк Британияда пандемия бошлангандан буён жами 4,5 миллион киши COVID-19 га чалинган, 128 минг  киши инфекция қурбони бўлди.

Мамлакат аҳолисининг 74,9 фоизи бир доза билан эмланган, икки дозадан эмланганлар эса катта ёшдаги аҳолининг 48,9 фоизини ташкил этмоқда.  

Ҳукумат чекловларни 21 июнда тўлиқ бекор қилишга ваъда бермоқда.