“O‘tgan bir hafta davomida dunyo bo‘ylab koronavirus qurbonlari soni 11 foizga oshdi. Yangidan kasallanish holatlariga oid ko‘rsatkichlarda ketma-ket olti haftadan buyon muntazam o‘sish kuzatilmoqda”, deb xabar beradi Jahon sog‘liqni saqlash tashkiloti o‘zining haftalik byulletenida.

Tashkilot ma’lumotiga ko‘ra, keyingi haftada dunyoda 4 millionta yangidan kasallanish, 71 ming virusdan qurbon bo‘lish holati qayd etilgan.

Ko‘rsatkichlarga ko‘ra, Sharqiy Osiyo, Shimoliy va Janubiy Amerika, Sharqiy O‘rta Yer hamda Yevropa mintaqalari ketma-ketlikda tasniflangan.