O‘zbekiston Milliy olimpiya qo‘mitasi raisining birinchi o‘rinbosari Otabek Umarovning Xalqaro avtomobil federatsiyasi(FIA) Senati a’zoligiga tayinlangani e’lon qilindi.

Yurtimizda olimpiya harakatini ta’minlash hamda Osiyo olimpiya kengashi rivoji yo‘lida samarali faoliyat yuritib kelayotgan hamyurtimizning FIA Senati boshqaruv kengashidan joy olishi mamlakatimizda avtomobil sportini yanada rivojlantirish, xalqaro hamkorlik aloqalarini mustahkamlash va barqaror tashabbuslarni ilgari surish ishlarida samaradorlikka erishishga xizmat qilishi bilan ahamiyatlidir.

Eslatib o‘tamiz, FIA Senati avtomobil sportining taraqqiyotini ta’minlash yo‘lidagi strategik tavsiyalarni ishlab chiqishga rahbarlik qiladi.

T.Ro‘ziyev, O‘zA