Үндістанның Нью-Дели қаласында Азия Олимпиада кеңесінің (АОК) 44-ші Бас Ассамблеясы өтті.

Ассамблея күн тәртібіне сәйкес, ұйымның басшылық лауазымдарына сайлау өткізілді. Ұйымды уақытша басқарып келген Раджа Рандхир Сингх АОК президенті болып сайланды. Сонымен қатар 5 аймақ бойынша вице-президенттер дауыс беру арқылы анықталды.

Өзбекстан Ұлттық Олимпиада комитетінің хабарлауынша, Отабек Умаров Өзбекстан, Қазақстан, Қырғызстан, Тәжікстан, Түркіменстан, Иран және Ауғанстанды қамтитын Орталық Азия аймағының вице-президенті болып сайланды.

Бұған дейін Отабек Умаров «Ташкент-2025» жастар Азия ойындарын өткізу бойынша вице-президент қызметін атқарған болатын. Бұл уақытша лауазым жарыс аяқталғанға дейін жарамды болса, Орталық Азия өңірі бойынша вице-президенттік тұрақты болып табылады және енді ол бүкіл құрлықтағы 5 аймақтың бірінде Олимпизмді дамытуға жауапты болады.

Айта кету керек, Отабек Умаровтың соңғы жылдары спорт басқаруындағы жетістіктері ерекше танылып, ол жаңа жауапты лауазымға сайланды. Енді ол бүкіл Орталық Азиядағы Олимпизм қозғалысын дамытуға жауапты болады.

О.Умаров іс-шарада сөйлеген сөзінде Азия спорты әлемде үлкен құрметке ие болып жатқанын атап өтті. Бұл «Париж-2024» жазғы Олимпиадасында Азияның 4 мемлекеті ТОП-15 қатарына енгенін дәлелдейді. Ол сонымен қатар Өзбекстан Президентінің спортқа қолдау көрсетуінің арқасында Өзбекстан тарихындағы ең жақсы нәтижелерге қол жеткізгенін айтты. Умаров білдірілген сенімді ақтап, аймақта Олимпизмнің таза және игі идеяларын кеңінен насихаттауға уәде берді.