Cанитария-эпидемиологик осойишталик ва жамоат саломатлиги хизмати Тошкент шаҳар бошқармасида пойтахтимизда ўта хавфли юқумли касалликларнинг олдини олиш бўйича чора-тадбирларни ташкиллаштиришга бағишланган ўқув-семинар машғулотлари ўтказилди.

Ўқув-семинар машғулотларида барча шаҳар миқёсидаги даволаш-профилактика муассасалари раҳбарлари, кўп тармоқли марказий поликлиникалар ҳамда оилавий поликлиникалар бош шифокорлари, Республика ШТЁИМнинг Тошкент шаҳар филиали бош шифокори, бош мутахассислари, СЭО ва ЖСХ туман бўлим раҳбарлари ва эпидемиология бўлими мудирлари, ўта хавфли юқумли касалликлар  бўйича масъул эпидемиологлар иштирок этди.  

 Унда куйдирги, қутуриш, Қрим-Конго геморрагик иситма, бруцеллёз, вабо ва бошқа ўта хавфли юқумли касалликларнинг этиологияси, эпидемиологияси, эпизоотологияси, клиникаси, қиёсий ва лаборатория ташхисоти, даволаш усуллари ва касалликларни  профилактикаси бўйича тақдимотлар асосида маърузалар қилинди.    

Семинар сўнгида иштирокчиларнинг саволларига мутахассислар томонидан жавоб берилди.  

М.Қосимова, ЎзА