Пойтахтимизда Ўзбекистон йилқичилик ва от спорти федерациясининг йил якунларига бағишланган маросим ўтказилди. Унда от спортининг тўсиқлардан сакраш, учкураш, от йўрттириш, човган, от устида камондан ўқ отиш каби турлари бўйича юксак натижаларга эришган спортчилар, мураббийлар, жамоалар эътироф этилди.

Маросимда энг фаол ходимлар ва жамоалар “Йилнинг энг яхши спортчиси”, “Йилнинг энг яхши жамоаси”, “Йилнинг энг яхши мураббийси,” “Йилнинг энг яхши аёл спортчиси”, “Йилнинг энг яхши эркак спортчиси”, “Йилнинг энг яхши вилояти” номинацияси бўйича тақдирланди.

[gallery-26712]

“Йилнинг энг яхши чавандозлар мактаби” номинацияси Самарқанд вилояти Чавандозлар мактабига насиб этди.

Шунингдек, тадбирда “От спортининг фахрий спортчилари” ҳамда “Йилнинг истиқболли ёшлари” кўкрак нишонлари ўз эгаларига топширилди.

Тадбирда эришилган натижалар сарҳисоб қилиниб, янги ташаббуслар, келгуси йилнинг устувор йўналишлари белгилаб олинди.

Т.Рўзиев, ЎзА