Ўғрилик, яъни ўзганинг мол-мулкини яширин равишда талон-торож қилганлик учун жиноий жавобгарлик бор.

Бундай жиноят учун Жиноят кодексининг 169-моддасига кўра, базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Ўғрилик учун тайинланадиган жазо тури ва ўғирланган мулк миқдорига қараб оғирлашиб боради.

Ички ишлар органлари бундай жиноятларга қарши мунтазам курашмоқда.

Янгиҳаёт тумани ИИО ФМБга келиб тушган хабарга кўра, 34 ёшли Аббос Р. уйларга ўрнатилган ҳар бири 480 минг сўмлик 118 дона ўт ўчириш мосламасини ўғирлаган.

Гумонланувчи қўлга олинган. Тергов ҳаракатлари давом этмоқда. Ҳозирда Аббос Р.га нисбатан Жиноят кодексининг 169-моддаси 2-қисми («ўғирлик») билан жиноят иши қўзғатилган.

Кодекснинг мазкур қисмида назарда тутилган жиноятларни содир этган шахслар беш йилдан саккиз йилгача озодликдан маҳрум қилиниши мумкин.

Ш.Неъматов, ЎзА