Hozirgi kunda Rossiya Federatsiyasidan Oʻzbekiston Respublikasiga va Oʻzbekiston Respublikasidan Rossiya Federatsiyasiga pul oʻtkazmalari “RUNA-BANK” AJ da amalga oshiriladi. “RUNA-BANK” AJ Moskva, Moskva viloyati: Serpuxov, Mitiщi, Korolev, Fryazino, Zelenograd, hamda Tverskoy viloyatining Kalyazino shahrlarida oʻz ofislari va tezkor kassalariga ega.

2020-yilning 20-martidan boshlab “OsiyoEkspress” pul oʻtkazmalarini yuborish va toʻlash boʻyicha “Solidarnost” TB AJ ofislari qoʻshildi. Moskva, Moskva viloyati, Irkutskdagi ofislar tajriba xududlari sifatida ishtirok etadi.

“Solidarnost” TB AJ shoxobchalarining ishtiroki keyinchalik Sankt-Peterburg shahri, Samara viloyatini ham qoʻshish, shuningdek, mehnat migrantlari uchun pul oʻtkazmalarining raqamli texnologiyalari va boshqa xizmatlarni joriy etish imkonini beradi.

Osiyo-Invest Bank (AJ) hamkorlik tarmogʻini kengaytirish strategiyasini izchil amalga oshirmoqda va Rossiya Federatsiyasining yirik koʻp filialli banki – “Rosselxozbank” AJ bilan integratsiya jarayonlarini yakunlaydi.

Taʼkidlash joizki, Rossiya Federatsiyasidan Oʻzbekiston Respublikasiga pul oʻtkazmalarini yuborayotgan “OsiyoEkspress” pul oʻtkazmalari tizimi foydlanuvchilariga 7/24 rejimida oʻzbek va rus tillarida har tomonlama yordam koʻrsatiladi.

Oʻzbekiston Respublikasida pul oʻtkazmalarini toʻlash eng avvalo Osiyo-Invest Bank (AJ) aksioneri – Oʻzmilliybank, “Xalq Banki” ATB, “Qishloq Qurilish Banki” ATB, “Agro bank” ATB filiallarida amalga oshiriladi.