Осиёда COVID-19 билан боғлиқ ҳолат тобора ёмонлашмоқда. Шу боис, минтақа бўйлаб назорат кучатирилмоқда.

Жумладан, мактаблар ёпилди, ресторан ва тўйхоналар фаолияти тўхтатилди. Транспорт хизматларига маълум даражада тақиқ қўйилган. Чунки яхши назорат остида бўлган мамлакатларда унчалик кўп инфекцияга чалинганлар кузатилмаяпти.

Аниқроқ айтадиган бўлсак, Мўғулистонда вирусдан вафот этганлар сони 15 дан 233 тагача кўтарилган. Шу билан бирга COVID-19га қарши курашда муваффақиятга эришаётган Тайванда ҳам сўнгги бир ҳафта ичида мингдан ортиқ ҳолат қайд этилди ва 60 мингдан зиёд фуқаро икки ҳафталик тиббий изоляцияга олинди. Ўқув муасассалари, спорт заллари ва сузиш ҳафзалари ёпилди, у ерда бешдан ортиқ одам йиғилиши тақиқланди. Мамлакат президенти Цай Инвэнь одамларни ваҳима қилмасликка чақирди. – “Биз тиббий салоҳиятимизни мустаҳкамлашда давом этамиз, тез орада вакциналар етиб келади”, – деган у.

Гонгконг ва Сингапурда номаълум турдаги юқумли касалликлар авж олгани туфайли мамлакатлараро саёҳатлар иккинчи марта бекор қилинди. Хитойга келсак, ушбу ҳудудда вирус билан оғриганлар сони анча паст кўрсаткичга эга, аммо чет элдан келган фуқароларда инфекция аниқланмоқда.

Таиландга келсак, кеча мамлакатда 35 киши вирус қурбонига айланган. Бу эпидемия бошланганидан бери энг юқори кўрсаткич эди. Таиландда умумий ҳисобда 649 нафар фуқаро вафот этган. Таъкидлаш керакки, мамлакатда 116 мингта касалликнинг тўртдан уч қисми апрель бошидан бери қайд этилган.

Осиё минтақасида ижтимоий ва иқтисодий ҳаётни нормал ҳолатга қайтариш учун карантин чекловлари бекор қилинаётган эди, айниқса мактаблар ва жамоатчилик билан алоқа қилиш асосида қурилган меҳмондўстлик соҳаси яна йўлга қўйилиб бошлаган эди.