Ханчжоуда ўтаётган Осиё ўйинларида боксчиларимиз ҳам мамлакатимиз шарафини муносиб ҳимоя қилмоқда.

Куни кеча ўтган жангларда 71 килограммгача вазнда Асадхўжа Мўйдинхўжаев филиппинлик Марйон Пианарни 5:0 ҳисобида енгиб чорак финалга йўл олди. 

Ҳасанбой Дўсматов эса 52 килограммгача вазнда қозоғистонлик Сакен Бибиосинов билан жанг қилди ва 4:1 ҳисобида ғалаба қозониб, ¼ финал босқичига чиқди. 

Шунингдек, Райҳона Қодирова ўз вазнида қатарлик Дана Ал Жаборни илк раунддаёқ муддатидан олдин мағлуб этди ва ярим финал йўлланмаси учун жанг қиладиган бўлди. 

Бугун, 29 сентябрь куни 4 нафар чарм қўлқоп усталаримиз рингга кўтарилади. Жанглар тафсилотлари билан сайтимизда таништириб борамиз. 

Дарвоқе, кечаги жангларда фотосуратчимиз Алмурод Мамадаминов олган ёрқин суратларни қуйида эътиборингизга ҳавола қиламиз:

Жавоҳир Тошхўжаев, ЎзА