Osiyo o‘yinlari: Murodjon Yo‘ldoshev oltin medal sohibi
Xitoyda o‘tayotgan Osiyo o‘yinlarida sportchilarimiz yana bir oltin medalni qo‘lga kiritdi.
Dzyudo bo‘yicha mamlakatimiz sharafini himoya qilgan Murodjon Yo‘ldoshev finalda 73 kilogramm vazn toifasida yaponiyalik Soichi Xashimotoni mag‘lubiyatga uchratdi va Osiyo o‘yinlari chempioni bo‘ldi.
Shuningdek, taekvondo bahslarida Madinabonu Mannopova yarim finalda tailandlik raqibasiga imkoniyatni boy berib qo‘ydi va Osiyo o‘yinlarining bronza medali bilan yurtimizga qaytadigan bo‘ldi.
Javohir Toshxo‘jayev, O‘zA