Австралияда футбол бўйича аёллар ўртасидаги Осиё кубоги старт олди. Биз учун аҳамиятлиси мазкур чемпионатда узоқ йиллик танаффусдан сўнг Ўзбекистон аёллар миллий терма жамоаси ҳам иштирок этмоқда.

Терма жамоамиз “B” гуруҳида Шимолий Корея, Хитой ва Бангладеш билан куч синашади. Термамизнинг илк ўйини 3 март куни Шимолий Кореяга қарши ўтса, Хитой ва Бангладеш билан 6 ва 9 март кунлари тўқнаш келади.

Мамлакатимиз вақти билан эртага соат 07:00 да бошланадиган ўйинда Ўзбекистон аёллар терма жамоаси тўлиқ оқ либосда ҳаракат қилади.

Дарвоқе, чемпионатдаги гуруҳлар қуйидагича кўриниш олган:

"A" гуруҳи: Австралия, Жанубий Корея, Эрон, Филиппин;

"C" гуруҳи: Япония, Вьетнам, Ҳиндистон ва Хитой Тайпейи.

Маълумот учун, Осиё кубогида жами 12 та терма жамоа уч гуруҳга бўлинган ҳолда рақобатлашади. Гуруҳ баҳсларида 1-2 ўринни эгаллаган жамоалар тўғридан-тўғри чорак финалга йўл олса, ярим финал иштирокчилари 2027 йил Бразилияда ўтадиган жаҳон чемпионати йўлланмасини қўлга киритади. Энг яхши натижа кўрсатган 2 та 3-ўриндан жой олган терма жамоалар 1/4 финалга чиқади. Қитъа биринчилигининг ярим финал иштирокчилари 2027 йилги Жаҳон чемпионати йўлланмасини қўлга киритади.  

Дарвоқе, чорак финалда мағлубиятга учраган жамоалар эса қўшимча йўлланмалар учун беллашади. Плей-оффдаги икки ғолиб мундиалда иштирок этиш ҳуқуқига эга бўлади. Мағлуб бўлган жамоалар конфедерациялараро плей-офф босқичида ўз омадини яна бир бор синаб кўради.

Жавоҳир Тошхўжаев, ЎзА