2016-yilgi Osiyo chempionlar ligasida mamlakatimiz sharafini to‘rtta jamoamiz himoya qiladi. Nufuzli musobaqada Toshkentning “Paxtakor”, “Lokomotiv” va Qarshining “Nasaf” klublari bahslarni guruh bosqichidan boshlasa, “Bunyodkor” jamoasi pley-off bosqichida o‘z imkoniyatini sinovdan o‘tkazadi.

2016-yilgi Osiyo chempionlar ligasida mamlakatimiz sharafini to‘rtta jamoamiz himoya qiladi. Nufuzli musobaqada Toshkentning “Paxtakor”, “Lokomotiv” va Qarshining “Nasaf” klublari bahslarni guruh bosqichidan boshlasa, “Bunyodkor” jamoasi pley-off bosqichida o‘z imkoniyatini sinovdan o‘tkazadi.

Malayziyaning Kuala-Lumpur shahrida Osiyo chempionlar ligasiga qur’a tashlandi. Unga ko‘ra, mamlakatimizning amaldagi chempioni – “Paxtakor” jamoasi “C” guruhida Saudiya Arabistonining “Al Hilol”, Eronning “Traktorsozi” jamoalari bilan kuch sinashsa, “Lokomotiv” “Fulad” (Eron), “Al Nasr” (Birlashgan Arab Amirliklari) klublari bilan “A” guruhidan joy oldi.

Mamlakat chempionatining bronza medal sohibi Qarshining “Nasaf” jamoasi “D” guruhida Birlashgan Arab Amirliklarining “Al Ayn” va Saudiya Arabistonining “Al Ahli” jamoalari bilan maydonga tushadi. Har uch guruhdagi to‘rtinchi jamoa nomi pley-off bahslaridan so‘ng ma’lum bo‘ladi.

“Bunyodkor” jamoasi Osiyo chempionlar ligasining guruh bahslarida qatnashish uchun pley-off bosqichida Birlashgan Arab Amirliklarining “Al Shabab” klubi bilan kuch sinashadi. Mazkur bahsda g‘alaba qozongan jamoa “Al-Nasr” (Saudiya Arabistoni), “Zobaxan” (Eron) va “Lahviya” (Qatar) klublari bilan “B” guruhidan joy oladi.