Осиё футбол конфедерацияси 2021 йилги Осиё чемпионлар лигаси гуруҳ босқичига қуръа ташланди.

Жорий йилдан эътиборан гуруҳ босқичида Осиё футбол конфедерациясининг 40 та клуби иштирок этади ва 10 та гуруҳда (5та Ғарб, 5та Шарқ) 4 тадан жамоа қатнашади. Ғарб минтақасидаги ўйинлар 14-30 апрель кунлари, Шарқ минтақасидаги ўйинлар эса 21 апрелдан 7 майгача марказлашган ҳолда бўлиб ўтади.

Қуръа ташлаш маросимида “Пахтакор” Ўзбекистон чемпиони сифатида 3-саватчадан жой олди ва 2021 йилги Осиё чемпионлар лигаси мусобақасининг “B” гуруҳида "Шаржа" (БАА), "Тракторсози" (Эрон), "Ал Ваҳда" (Саудия Арабистони) ёки "Ал Қува Ал Жавия" (Ироқ) ғолибига қарши рақобатлашадиган бўлди.

Ўзбекистоннинг яна бир вакили “АГМК” клуби эса плей-офф босқичида "Ал-Гарафа"ни мағлуб эта олса, ОЧЛнинг “А” гуруҳида  "Ал-Ҳилол" (Саудия Арабистони), “Шабаб Ал-Аҳли Дубай" (БАА), "Истиқлол" (Эрон) каби жамоалари билан куч синашади.

"А" гуруҳи:

"Ал-Ҳилол" (Саудия Арабистони), "Шабаб Ал-Аҳли Дубай" (БАА), "Истиқлол" (Тожикистон), "Ал-Гарафа" (Қатар) ёки АГМК (Ўзбекистон)

"B" гуруҳи:  

"Шаржа" (БАА), "Тракторсози" (Эрон), "Пахтакор" (Ўзбекистон), "Ал Ваҳда" (Саудия Арабистони) ёки "Ал Қува Ал Жавия" (Ироқ)

"C" гуруҳи:

"Ал-Дуҳайл" (Қатар), "Ал-Аҳли" (Саудия Арабистони), "Истиқлол" (Эрон), "Ал Шорта" (Ироқ)

"D" гуруҳи:

"Ал-Садд" (Қатар), "Ал-Насср" (Саудия Арабистони), "Ал-Виҳдат" (Иордания), "Фулад" (Эрон) ёки "Ал Айн" (БАА)

"E" гуруҳи:  

"Персеполис" (Эрон), "Ал-Райян" (Қатар), "Гоа" (Ҳиндистон), "Ал Ваҳда" (БАА) ёки "Ал Завра" (Ироқ)