Оғир атлетика бўйича пойтахтимизда ўтаётган Осиё чемпионатининг бугунги баҳслари ҳамюртимиз учун омадли ўтди. Мадина Файзуллаева ҳам ўсмирлар, ҳам ёшлар тоифасида иштирок этиб, жами 5 та медални қўлга киритди. -76 кг вазн тоифасида қатнашган Файзуллаева даст кўтаришда 82 кг, силтаб кўтаришда 106 кг, жами 188 кг натижа кўрсатди. Бу унга ўсмирлар тоифасида ҳар 3 йўналишда олтин, ёшлар категориясида эса даст кўтариш ва умумий ҳисобда бронза медалларини келтирди.

Эркаклар ўртасида кечган баҳсларда -89 кг вазн тоифасида иштирок этган Ёш оғир атлетикачимиз Ҳожиакбар Олимов ажойиб иштироки билан олқишларга сазовор бўлди. Олимов даст кўтариш машқида 145 кг билан кумуш, силтаб кўтаришда эса 192 кг билан олтин медалга сазовор бўлди. Икки кураш ҳисобида 337 кг қайд этган полвонимиз шоҳсупанинг иккинчи поғонасига кўтарилди.

Алиризо Моэни (Эрон) — 357 (166+191) кг
Ҳожиакбар Олимов (Ўзбекистон) — 337 (145+192) кг
Али Кешткар (Эрон) — 327 (141+186) кг

Яна бир спортчимиз  Ўсмирлар ўртасидаги жаҳон чемпионати совриндори Аброрбек Маъруфбеков тенгқурлари орасида қитъамизда етакчи эканини исботлади. Ҳамюртимиз барча йўналишларда рақибларидан устунлик қилиб, жамоамиз ҳисобига 3 та олтин медаль келтирди.

Аброрбек Маъруфбеков (Ўзбекистон) — 299 (136+163) кг
Суражбек Сапаев (Туркманистон) — 294 (135+159) кг
Амирҳуссайн Сепаҳ (Эрон) — 290 (135+155) кг

<iframe width="1280" height="720" src="https://www.youtube.com/embed/aHwIcc1_wBQ" title="Осиё чемпионатининг бугунги баҳслари  ҳамюртимиз учун омадли ўтди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Ёқубжон Мелибаев