Осиё чемпионатида дастлабки медаллар
Пойтахтимизда ўтаётган ўсмирлар ва ёшлар ўртасидаги Осиё чемпионатида терма жамоамиз дастлабки медалларига эга бўлди.
Уларга 55 кг вазн тоифасидаги ўсмир қизлар баҳсида қатнашган истеъдодли спортчимиз Лайлохон Полвоннозирова эгалик қилди.
Юртдошимиз даст кўтариш машқида 70 кг билан кумуш медалга сазовор бўлди. Силтаб кўтаришда 91 кг, икки кураш бўйича эса 161 кг натижа билан ҳар икки йўналишда бронза медалларини қўлга киритди.
Т.Рўзиев, ЎзА