Qozog‘istonning Ostona shahrida o‘smirlar va yoshlar o‘rtasida o‘tayotgan Osiyo chempionatida O‘zbekiston delegatsiyasi muvaffaqiyatli ishtirok etmoqda.

Kuni kecha Osiyo chempionatining o‘smirlar o‘rtasidagi bahslarida O‘zbekiston terma jamoasi 4 ta oltin, 7 ta kumush va 11 ta bronza jami 22 ta medal jamg‘ardi. Bugun, 3 noyabr kuni chempionatning yoshlar o‘rtasida final bahslari bo‘lib o‘tadi.  

Unda bokschilarimizdan 9 nafar qiz va 7 o‘g‘il bola o‘z vaznida oltin medallar uchun kurashadi.

Quyida final janglarida ringga ko‘tariladigan charm qo‘lqop ustalari bilan tanishasiz:    

Qizlar:  

-48 kg Gulsevar G‘aniyeva;  

-52 kg Zilolahon Yusupova;  

-54 kg Uzukjamol Yunusova;  

-57 kg Mushtariybonu Ibrohimjonova;  

-60 kg Odinaxon Ismoilova;  

-70 kg Oysha Toirova;  

-75 kg Sanobar Bozorboyeva;  

-81 kg Oltinoy Sotimboyeva;  

+81 kg Diyoraxon Abdumannopova.  

O‘g‘il bolalar:  

-54 kg Samandar Olimov;  

-60 kg Sayat Ilyasov;  

-67 kg Shavkatjon Boltayev;  

-75 kg Fazliddin Erkinboyev;  

-80 kg Javohir Ummataliyev;  

-86 kg Abdulaziz Abdurahmonov;  

+92 kg Shahzod Polvonov.  

Javohir Toshxo‘jayev, O‘zA