Бугунги кунда тиббиёт катта ютуқларга эришган бўлса-да, ҳануз даволаниши мураккаб ва узоқ давом этадиган касалликлар мавжуд.

Шулар қаторида ошқозон ости бези саратони энг хавфлиларидан бири ҳисобланади. Ушбу хасталик кўпинча сезиларсиз ривожланади ва кеч аниқланади, бу эса даволаш жараёнини мураккаблаштиради. 

Халқаро статистик маълумотларга кўра, бу саратон тури билан касалланган беморларнинг 5 йиллик омон қолиш даражаси атиги 10 фоиз атрофида. 1990–2021 йиллар оралиғида эса ушбу касаллик билан касалланиш ҳолатлари тахминан 145 фоизга ошган. 

Мутахассислар таъкидлашича, носоғлом турмуш тарзи — чекиш, спиртли ичимликлар истеъмоли ва нотўғри овқатланиш ушбу касаллик хавфини кучайтиради. Шу боис мунтазам тиббий кўрикдан ўтиш ва соғлом ҳаёт тарзига амал қилиш жуда муҳим. 

Ҳозирда олимлар янги даволаш усуллари устида ишламоқда. Жумладан, испаниялик тадқиқотчилар сичқонларда синовдан ўтказилган янги комбинацияланган терапияни ишлаб чиқди, аммо у инсонларда қўлланиши учун ҳали узоқ клиник синовларни талаб қилади. 

ЎзА ушбу касаллик юзасидан Республика ихтисослаштирилган онкология ва радиология илмий-амалий тиббиёт маркази шифокори онколог, хирург Бобур Саипов билан субатлашди.

<iframe width="640" height="420" src="https://www.youtube.com/embed/x_S1NGhRC6s" title="Oshqozon osti bezi saratoni bilan kurash: oldini olish va zamonaviy terapiya" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Феруза Султонова, Ойбек Давронов,

Салим Каримжонов, ЎзА