Өзбекстан Орталық банк басқармасы 2024 жыл 25 шілдедегі отырысында базалық мөлшерлемені 0,5 пайызға төмендетіп, жылдық 13,5 пайыз деңгейінде белгілеу туралы шешім қабылдады.

«Базалық инфляцияның төмендеу динамикасы жалғасып, маусым айындада 5,9 пайызға тең болды және жыл басынан бері 2,6 пайызға төмендеді. Бұл энергия тарифтерінің өзгеруінің қайталама әсері күтілгеннен төмен болуымен айқындалған, бұл болашақта инфляцияның төмендеу үрдісінің жалғасуын көрсетеді», делінген хабарламада.

Банк дерегінше, биылғы жылдың ІІ тоқсанында әртүрлі арналар арқылы экономикаға валюта ағынының айтарлықтай өскені байқалып, бұл соманың айырбас бағамының тұрақталуына оң әсерін тигізді.

«Экономикалық белсенділік пен кәсіпкерлердің іскерлік көрсеткіштері соңғы екі айда салыстырмалы түрде төмендегенін көрсеткенімен, оң нәтижелер әлі де сақталуда», делінген Орталық банк ақпаратында.