2020 жылы 18 қарашада Өзбекстанның Сыртқы істер министрі Абдулазиз Камилов бастаған делегация Вашингтонда Америка Құрама Штаттарының Халықаралық даму корпорациясының (DFC) бас директоры Адам Болермен кездесті.

Кездесуде тараптар А. Болердің 29 маусым мен 1 шілде аралығында Өзбекстанға жасаған сапары барысында олар қол жеткізілген уағдаластықтардың іске асырылу барысын талқылап, өнеркәсіпті, қызмет көрсету мен инфрақұрылымды дамытуға тікелей шетелдік инвестицияларды және жаңа технологияларды тарту бойынша екіжақты ынтымақтастықты одан әрі тереңдетудің перспективаларын нақтылады.

Өзбекстан тарапы DFC қатысуымен Өзбекстанда мұнай-газ, энергетика, химия, көлік, құрылыс, банк ісі, фармацевтика және экономиканың басқа салаларын дамыту бойынша жобаларды жүзеге асыруға қызығушылық білдірді. Осыған байланысты американдық корпорацияның басшысы ірі инфрақұрылымдық жобаларды ілгерілетуге бағытталған Орталық Азия инвестициялық қорын құруға қызығушылық білдірді.

Сонымен қатар кездесуде, Ауғанстанның инфрақұрылымын жақсарту және елді әлеуметтік-экономикалық қайта құру Өзбекстан мен DFC арасындағы ынтымақтастықтың маңызды перспективалық бағыты болып табылары жайында сөз қозғап,  осы жылдың мамыр айында басталған «Өзбекстан-Ауғанстан-АҚШ» үшжақты ынтымақтастық шеңберінде диалогты күшейту қажеттігін атап өтті.